2020 - 2021 శ్రీ శార్వరి నామ సంవత్సర కన్యారాశి రాశీ ఫలాలు

Sree Sharvari Nama Samvatsara Kanya Rasi / Virgo Sign Free Telugu Rasi Phalalu

 

• ఉత్తర 2,3,4 పాదములు లేదా హస్త 1,2,3,4 పాదములు లేదా చిత్త 1,2 పాదములలో జన్మించిన వారు కన్యారాశికి చెందును.

• శ్రీ శార్వరి నామ సంవత్సరంలో కన్యా రాశి వారి ఆదాయం - 02, వ్యయం - 11, రాజపూజ్యం - 04, అవమానం - 07.

• పూర్వ పద్దతిలో కన్యా రాశి వారికి వచ్చిన శేష సంఖ్య "4". ఇది శ్రీ శార్వరి నామ సంవత్సరంలో రాబోయే ఆరోగ్య సమస్యలను సూచించుచున్నది.

• Click Here to know your rasi if you are not sure...

• Click Here to get your manually written personalised Horoscope Report...

• Click Here to know Virgo sign / Kanya Rasi's Nature...

కన్యారాశి వారికి శ్రీ శార్వరి నామ సంవత్సరంలో అనగా 25-మార్చి -2020 నుండి 12-ఏప్రిల్ -2021 వరకూ ఉన్న తెలుగు కాలమాన సంవత్సరంలో గురు గ్రహం 19 నవంబర్ 2020 వరకూ చక్కటి అనుకూల ఫలితాలను కలుగచేయును. విద్యార్ధులకు విజయములను, ఆశించిన విద్యాభ్యాసమును , ఉద్యోగులకు ఆశించిన గుర్తింపును, కుటుంబంలో ప్రాముఖ్యతను ఏర్పరచును. భూ సంబంధ వ్యాపారాలు చేయువారికి అతి చక్కటి లాభములను ఏర్పరచును. సొంత గృహ ప్రయత్నాలు చేయువారికి సులువుగా సొంత గృహం అమరును. వ్యక్తిగత జీవితంలో మాత్రు వర్గీయుల వలన లాభములు ఏర్పడును. వాహన సౌఖ్యమును కలుగచేయును. 20 నవంబర్ 2020 నుండి కన్యా రాశి వారికి గురు గ్రహం వలన మంచి ఫలితాలు ఏర్పడవు. బహు విధముల చికాకులను కలుగచేయును.

కన్యారాశి వారికి శ్రీ శార్వరి నామ సంవత్సరంలో శని గ్రహం వలన సంవత్సరం అంతా మంచి ఫలితాలు ఏర్పడును. సంతాన ప్రయత్నాలు చేయువారికి చక్కటి స్త్రీ సంతానమును ప్రసాదించును. శ్రీ శార్వరి నామ సంవత్సరంలో కన్యారాశి వారికి ఏలినాటి శని లేదు.

కన్యారాశి వారికి శ్రీ శార్వరి నామ సంవత్సరంలో రాహు గ్రహం వలన సంవత్సరం అంతా మంచి ఫలితాలు లభించును. జీవన మార్గంలో యోగావంతమైన స్థితిని ఏర్పరచును. అభిలాష ఉన్న వారికి సకల తీర్ధయాత్రలు ఏర్పరచును. దూర దేశాములందు స్థిర నివాస ప్రయత్నములు చేయువారికి విజయమును కలుగచేయును. 2020 సెప్టెంబర్ నుండి డిసెంబర్ మధ్య కాలంలో పితృ వర్గీయులకు మంచిది కాదు. పితృ ఖర్మ చేయవలసిన పరిస్థితులు ఏర్పరచు సూచన.

కన్యారాశి వారికి శ్రీ శార్వరి నామ సంవత్సరంలో కేతు గ్రహం విద్యార్ధులకు ఆగష్టు నుండి అక్టోబర్ మధ్య కాలంలో విద్యా విఘ్నములను ఏర్పర్చును. వ్యవసాయం మీద ఆధారపడిన వారికి అధిక ఫల దిగుబడిని ఏర్పరచును. మిగిలిన వారికి అనుకూల ఫలితాలను కలుగచేయును.