Sree Plava Nama Samvatsara Tula Rasi / Libra Sign Free Telugu Rasi Phalalu
శ్రీ ప్లవ నామ సంవత్సరంలో తులా రాశి వారికి ఆదాయం 02, వ్యయం - 08, రాజ పూజ్యం - 01, అవమానం - 05
పూర్వ పద్దతి లో తులారాశి వారికి వచ్చిన శేష సంఖ్య "1". ఇది శ్రీ ప్లవ నామ సంవత్సరంలో తులా రాశి వారికి కళా రంగ విషయాల్లో , రాజకీయ రంగ విషయాల్లో విజయాన్ని సూచించుచున్నది.
తులారాశి వారికి శ్రీ ప్లవ నామ సంవత్సరంలో అనగా 13-ఏప్రిల్-2021 నుండి 01-ఏప్రిల్-2022 వరకు ఉన్న తెలుగు కాల మాన సంవత్సరంలో గురు గ్రహం వలన మిశ్రమ ఫలితాలు ఏర్పడతాయి. 19 నవంబర్ 2021 వరకూ శత్రు విజయాలను ఏర్పరచును. సొంత గృహ యోగం కలుగ చేయును. భూ సంబంధ క్రయ విక్రయాలకు అనుకూలమైన కాలం. మాత్రు వర్గీయుల వలన ఆర్థికం గా లాభములు పొందుదురు. దీర్ఘకాలిక ఆరోగ్య సమస్యల నుంచి ఉపశమనం లభించును. 20 నవంబర్ 2021 నుండి గురువు వలన తులారాశి వారికి అంత అనుకూల ఫలితాలు లభించవు. అనవసర తగాదాలు, ఆరోగ్య సమస్యలు, వృధా ధన వ్యయం, షేర్ మార్కెట్ లేదా వ్యాపార పెట్టుబడుల్లో నష్టాలు ఏర్పడును.
తులా రాశి వారికి శ్రీ ప్లవ నామ సంవత్సరంలో శని గ్రహం వలన సంవత్సరం అంతా అనుకూల ఫలితాలు ఏర్పడును. ఆరోగ్య సమస్యల నుంచి ఉపశమనం లభించును. రియల్ ఎస్టేట్ వ్యాపారంలో ఉన్న వారు శని వలన మిక్కిలి లాభములు పొందుదురు. మొత్తం మీద శ్రీ ప్లవ నామ సంవత్సరం అంతా శని తులారాశి వారికి చక్కటి అభివృద్ధి కర ఫలితాలు ఏర్పరచును.శ్రీ ప్లవ నామ సంవత్సరంలో తులారాశి వారికి ఏలినాటి శని దశ లేదు.
తులా రాశి వారికి శ్రీ ప్లవ నామ సంవత్సరంలో రాహువు - కేతువు ఇరువురూ వలన ఆర్థికం గా లాభములు ఏర్పడినా మిగిలిన విషయాలలో అనుకూలమైన ఫలితాలు ఏర్పడవు. ముఖ్యంగా వ్యక్త్రి గత జీవితంలో తీవ్ర ఒడిదుడుకులు , జీవిత భాగస్వామి సంబంధిత విచారత, సంతాన ప్రయత్నాలు విఫలం మగును. ఎదిగిన సంతానం వ్యవహార శైలి వలన ఇబ్బందులు ఎదుర్కొంటారు. శ్రీ ప్లవ నామ సంవత్సరం అంతా రాహు - కేతువు లు యోగించరు.
ఏప్రిల్ 2021 తులా రాశి రాశీ ఫలాలు:
ఈ మాసంలో ధనాదాయం బాగుండును. కుటుంబ సభ్యులకు ఆభరణములు కొనుగోలుచేయుదురు . అభిరుచికి తగిన భోజన సౌఖ్యం పొందుతారు. అవివాహిత స్త్రీలకు వివాహ పరంగా శుభం జరుగును. మొదట ప్రయత్న విఘ్నములు ఉన్నప్పటికీ అంతిమంగా విజయం పొందుదురు. వాహన, భూ, వస్త్ర సౌఖ్యం లభిస్తుంది. అన్ని రకముల వ్యాపారములు లాభించును. సేవా కార్యక్రమాల వలన సమాజంలో గౌరవ మర్యాదలు పొందుతారు. వంశ పెద్దల సహకారం వలన కుటుంబ కలహాలు తొలగును. గృహంలో వేడుకలు జరుగును. అన్నివిధములా ఈ మాసం అనుకూలమైన కాలం.
మే 2021 తులా రాశి రాశీ ఫలాలు:
ఈ మాసంలో ఆదాయంలో కొద్దిపాటి తగ్గుదల ఏర్పడును. ఈ మాసంలో ప్రధమ అర్ధ భాగం వ్యయం అదుపు తప్పుతుంది. మిత్రులను సర్దుబాటుకు ధనం అడగవలసి వచ్చును. ఎదురుచూస్తున్న అవకాశములు చేజారిపోవును. ఆదాయ మార్గంలో ఆకస్మిక నష్టములు. శ్రమించవలెను. ఇంటా బయటా సంతృప్తి ఉండదు. వృత్తి నైపుణ్యాలు పెంచుకోవలెను. ద్వితీయ అర్ధ భాగం నుండి కొంత వెసులుబాటు లభిస్తుంది. చిరకాలంగా నలుగుతూన్న వివాదాలు పరిష్కారం అవుతాయి. ఆరోగ్యం కూడా సహకరించును. ఈ మాసంలో 3,4,10,12 తేదీలలో ముఖ్య నిర్ణయాలు తీసుకొనుట అంత మంచిది కాదు.
జూన్ 2021 తులా రాశి రాశీ ఫలాలు:
ఈ మాసంలో కూడా మిశ్రమ ఫలితాలు ఏర్పడతాయి. ధనాదాయం గత మాసం కన్నా పెరుగును. కుటుంబంలోని స్త్రీలకు వినికిడికి సంబందించిన ఆరోగ్య సమస్యలు ఏర్పడును. స్థిరాస్తి ఋణములు కొంత వరకూ తీరును. సోదర వర్గం వారి పలుకుబడి మీ ఉన్నతికి ఉపయోగపడుతుంది. ఆత్మీయులతో ఆనందాన్ని పంచుకొంటారు. ఈ మాసంలో ఆశించిన ఉద్యోగ అవకాశములు లభిస్తాయి. స్త్రీ సంబంధ విషయాలు ఇబ్బందులను కలిగించును. గౌరవ హాని ఎదుర్కొంటారు.. 20,21,22 తేదీలలో జాగ్రత్త వహించాలి.
జూలై 2021 తులా రాశి రాశీ ఫలాలు:
ఈ మాసంలో ధనాదాయం బాగుండును. మానసిక ఆందోళన మరియు చికాకులు అధిగమిస్తారు. తలచిన పనులలో విజయం సాధించగలుగుతారు. గురు భక్తీ పెరుగుతుంది. ఉద్యోగ మార్పు ప్రయత్నాలలో ఉన్నవారికి అధికారుల వలన ఇబ్బందులు ఎదురగును. సహచరుల నుండి ఆశించిన సహకారం లభించదు. కోర్టు వ్యవహారముల వలన ధన నష్టం పొందటానికి అవకాశం ఉన్నది..వినరాని మాటలు వినుట వలన ఆత్మవిశ్వాసం కొల్పోవుదురు. వృత్తి జీవనంలోని వారికి, వ్యాపార రంగంలోని వారికి సంతృప్తికర ఆదాయం ఉండును.
ఆగస్టు 2021 తులా రాశి రాశీ ఫలాలు:
ఈ మాసంలో మిశ్రమ ఫలితాలు ఏర్పడుతాయి. ఆదాయం ఆశించిన విధంగా బాగుంటుంది. కుటుంబంలో మీ గౌరవ ప్రతిష్టలు పెరుగును. ద్వితియ వారంలో ముఖ్యమైన పనులలో అవాంతరములు ఎదురగును. అనుభవజ్ఞుల సలహాలు అవసరం అవుతాయి. అకారణ కలహాలు ఉండవచ్చు. పై అధికారులతో జాగ్రత్తగా ఉండాలి. జీవన ఆదాయమునకు మాత్రం లోటు ఏర్పడదు. విద్యా సంబంధ అవకాశాముల కొరకు ఎదురుచూస్తున్న వారు శ్రమించవలెను. మహిళలకు కొత్త బాధ్యతలు ఆందోళన కలిగించవచ్చును. ఈ నెలలో 6,14,19,20,24 తేదీలు అంత అనుకూలమైనవి కావు.
సెప్టెంబర్ 2021 తులా రాశి రాశీ ఫలాలు:
ఈ మాసంలో అనుకూల పరిస్థితులు ఏర్పడును. నూతన అవకాశములు లభించును. ఆరోగ్య సమస్యలు నెమ్మదించును. కొత్త వాహనాల విషయంలో జాగ్రత్త అవసరం. కుటుంబ సమేతంగా చేయు ప్రయాణములు వాయిదా వేయుట మంచిది. ఆదాయం సామాన్యం.ఈ మాసంలో కొన్ని వయస్సుకు మించిన విపరీత అనుభవాలు ఎదుర్కొనుటకు సూచనలు కలవు.
అక్టోబర్ 2021 తులా రాశి రాశీ ఫలాలు:
ఈ మాసంలో ఆదాయ వ్యయములు సమానంగా ఉండును. ఇతరుల సహకారం వలన బాధ్యతలు సక్రమంగా నిర్వర్తించుదురు. 6 వ తేదీ నుండి 17 వ తేదీ మధ్య కాలంలో వాయిదా పడిన పనులు తిరిగి ప్రారంభించవచ్చు. జీవిత భాగస్వామి సంబంధిత విషయాలలో చక్కటి సౌఖ్యత ఏర్పడును. అవివాహితుల వివాహ ప్రయత్నములు కూడా ఫలించును. రసాయన పరిశ్రమల్లో పని చేయు వారు పని ప్రదేశంలో మిక్కిలి జాగ్రత్తగా వ్యవహరించాలి. అగ్ని ప్రమాదాలకు అవకాశం ఉన్నది. 28,29,30 తేదీలు స్థిరాస్థి క్రయ విక్రయాలకు, విదేశీ సంబంధ ప్రయత్నాలకు కలసి రావు. ఈ మాసంలో పౌరహిత్యం నిర్వహించువారు దానములు స్వీకరించుటకు ఆలోచించుట మంచిది.
నవంబర్ 2021 తులా రాశి రాశీ ఫలాలు:
ఈ మాసం ప్రారంభం నుండి ధన రాబడి బాగుండును. సంతానం వలన చక్కటి సౌఖ్యత అనుభవిస్తారు. వారితో సమయం గడపగలుగుతారు. తలపెట్టిన శుభకార్య వ్యవహారములు బంధు మిత్రుల ఆదరణ వలన పూర్తి చేయగలరు. వ్యాపార వ్యవహారములు సామాన్యంగా కొనసాగును. మాస మధ్య కాలంలో వ్యాపార ఆదాయం పెరుగును. తృతీయ వారం నుండి నిర్దేశించుకున్న లక్ష్యాలు పూర్తికావడంలో అనేక అవాంతరములు ఎదురగును. మాతృ వర్గీయులు ఆరోగ్య సమస్యలు ఎదుర్కొంటారు. మాసాంతంలో విదేశాలలో ఉన్నవారి సహకారం వలన నూతన వస్తువులు అమర్చుకుంటారు.
డిశంబరు 2021 తులా రాశి రాశీ ఫలాలు:
ఈ మాసంలో ఉద్యోగ వర్గం వారికి స్థానమార్పు ఏర్పడు సూచన. కళత్ర సంబంధమైన ధన వ్యయం ఎదుర్కొందురు.. వాహనాల విషయాలలో క్రయవిక్రయాల వలన నష్టం. సంతాన లేమి దంపతుల సంతాన ప్రయత్నాలు ఈ మాసంలో ఫలించును. అన్ని రంగముల వారికి ఆదాయం మెరుగ్గానే ఉండును. ద్వితియ వారంలో స్థిరాస్థి సంబంధమైన విలువైన సమాచారం లభించును. విజ్ఞాన శాస్త్రవేత్తలకు నలుగురిలో గుర్తింపు లభించును. కుటుంబ వాతావరణంలో ఆనందకరమైన క్షణాలు ఉన్నవి. తులారాశి కి చెందిన పెద్ద వారు ఆర్ధిక లావాదేవీలలో జాగ్రత్త వహించవలెను. కొత్త ప్రణాళికలు రచించుటకు ఈ మాసంలో చివరి రెండు వారాలు సరైన సమయం.
జనవరి 2022 తులా రాశి రాశీ ఫలాలు:
ఈ మాసం అంత అనుకూలమైనది కాదు. పోలీసుల వలన వేధింపులు ఉండగలవు. వ్యక్తిగత విషయాల్లో మానసిక ఆందోళన అధికం అగును. మీ వ్యక్తిగత విషయాల్లో ఇతరుల ప్రమేయం వలన ఇబ్బందులు ఎదుర్కొందురు. ఈ మాసం అంతా ధనాదాయం సామాన్యం. వృత్తి వ్యాపారదులలో ఆశించినంత అభివృద్ది ఉండదు.19, 20 వ తేదీలలో యంత్ర సంబంధమైన సమస్యల వలన ధన వ్యయం ఏర్పడు సూచన. 22వ తేదీ తదుపరి సమస్యల తీవ్రత తగ్గును. ఉద్యోగ జీవనం సామాన్యంగా కొనసాగును.
ఫిబ్రవరి 2022 తులా రాశి రాశీ ఫలాలు:
ఈ మాసంలో తలపెట్టిన ప్రయత్నములు నెమ్మదిగా విజయం పొందును.కోర్టు తీర్పులు ప్రతికూలంగా వెలువడు సూచన ఉన్నది. మహిళలకు నిత్య జీవనంలో శ్రమ అధికమగును. ఆధ్యాత్మిక కార్యక్రమాలలో పాల్గోనేదురు. గౌరవ ప్రదమైన వ్యక్తుల పరిచయం వలన సమాజంలో మీ గౌరవం కూడా పెరుగును. గృహ మార్పిడి ప్రయత్నాలలో అనుకూలత లభిస్తుంది. ప్రభుత్వ ఉద్యోగులకు స్థానచలనముకు అవకాశం ఉన్నది. ఈ మాసంలో 13,14, 21,22, తేదీలు అంత అనుకూలమైనవి కావు.
మార్చి 2022 తులా రాశి రాశీ ఫలాలు:
ఈ మాసంలో నూతన వ్యాపార ఆలోచనలు కార్యరూపం దాల్చును. ఆర్ధిక ఆదాయ పరిస్థితులు కూడా సంతృప్తికరంగా ఉండును. కళత్ర మూలక విషయాల్లో సంతోషాలు ఏర్పడును. ధనం అవసరములకు సర్దుబాటు అగును. ఉద్యోగ జీవులు పదోన్నతి లేదా వేతనంలో పెరుగుదల ఆశించవచ్చు. సంతాన ప్రయత్నములకు ఈ మాసం అంత అనుకూల కాలం కాదు. ఒక ముఖ్యమైన వస్తువు కోల్పోవు సూచన ఉన్నది. స్టాక్ ట్రేడింగ్ వ్యాపారం చేయువారికి బాగా కలసి వచ్చును. 12 సంవత్సరముల లోపు ఉన్న సంతానం ఆరోగ్య విషయంలో జాగ్రత్త అవసరం. రాజకీయ పలుకుబడితో శత్రుబాధలు కొంత వరకూ తగ్గును.
We can provide your complete horoscope as a manually written "Horoscope Prediction Book". It's not a computerized print out. It will be prepared & written manually by sri Sidhanthi garu. Contact us to get your personalised jataka reports, palmistry reports, vastu reports, match compatibility reports, new borns reports, subha muhurtams etc. We also suggest & perform astrological remedies for your problems caused by various jataka doshams. Click Here to contact oursubhakaryam.com for your all astrological needs and suggestions.