2020 - 2021 శ్రీ శార్వరి నామ సంవత్సర సింహరాశి రాశీ ఫలాలు

Sree Sarvari Nama Samvatsara Simha Rasi / Leo Sign Free Telugu Rasi Phalalu

 

• మఘ 1,2,3,4 పాదములు లేదా పుబ్బ 1,2,3,4, పాదములు లేదా ఉత్తర 1వ పాదంలో జన్మించిన వారు సింహరాశికి చెందును.

• శ్రీ శార్వరి నామ సంవత్సరంలో సింహరాశి వారి ఆదాయం - 14 వ్యయం - 02 రాజపూజ్యం - 01 అవమానం - 07.

• పూర్వ పద్దతిలో సింహ రాశి వారికి వచ్చిన శేష సంఖ్య "7". ఇది వ్యక్తిగత వ్యవహారాలలో విజయాన్ని సూచించుచున్నది.

• Click Here to know your rasi if you are not sure...

• Click Here to get your manually written personalised Horoscope Report...

• Click Here to know Leo sign / Simha Rasi's Nature...

సింహరాశి వారికి శ్రీ శార్వరి నామ సంవత్సరంలో అనగా 25-మార్చి -2020 నుండి 12-ఏప్రిల్ -2021 వరకూ ఉన్న తెలుగు కాలమాన సంవత్సరంలో గురు గ్రహం వలన అనేక కష్టములు ఏర్పడును. వ్యక్త్రిగత జాతకంలో రాశీ చక్రంలో గురు గ్రహం నీచ స్థానంలో ఉన్న కర్కాటక రాశి వారికి అన్ని విషయములలో ఇబ్బందులను, ఆర్ధిక నష్టములను, కుటుంబ సమస్యలను ఏర్పరచును. 20 నవంబర్ 2020 నుండి సమస్యలు అధికం అగును. శ్రీ శార్వరి నామ సంవత్సరం అంతా గురువు సింహరాశి వారికి యోగించడు.

సింహరాశి వారికి శ్రీ శార్వరి నామ సంవత్సరంలో శని గ్రహం మంచి ఫలితాలను ఇచ్చును. స్థిరాస్తి సంబంధ కోర్టు వివాదాలు అనుకూల తీర్పులు పొందును. వ్రుత్తి రీత్యా స్థాన చలన ప్రయత్నాలు చేయువారికి చక్కటి ఉద్యోగ అవకాశములు లభించును. నల్లని లోహ సంబంధ వ్యాపారములు చేయువారికి అతి చక్కటి లాభములను కలుగచేయును. శ్రీ శార్వరి నామ సంవత్సరంలో తగాదలలో సదా విజయం లభించును. శ్రీ శార్వరి నామ సంవత్సరంలో సింహ రాశి వారికి ఏలినాటి శని లేదు.

సింహరాశి వారికి శ్రీ శార్వరి నామ సంవత్సరంలో రాహు గ్రహం వలన న్యాయవంతమైన , విశేష ధనార్జన ఏర్పడును. ఆర్ధికంగా ఆశించిన ఫలితాలను , నూతన భూ లేదా గృహ సౌఖ్యమును కలుగచేయును. వ్యక్తిగత జాతకంలో రాహు గ్రహం బలమైన స్థానంలో ఉన్న జాతకులకు నూతన ఆదాయ మార్గములను , పెట్టుబడుల వలన ఆశించిన ఫలితం కన్నా అధిక లాభములను కలుగ చేయును.

సింహరాశి వారికి శ్రీ శార్వరి నామ సంవత్సరంలో కేతు గ్రహం వలన సంవత్సరం అంతా అనుకూల ఫలితాలు ఏర్పడును. మాత్రు వర్గీయుల వలన లాభములను, విద్యార్ధులకు ఆశించిన విజయాలను, నూతన వాహన సౌఖ్యమును ఏర్పరచును. శ్రీ శార్వరి నామ సంవత్సరంలో కేతు గ్రహం అన్ని విధములా మంచి ఫలితాలను ఏర్పరచును.