Sree Viswavasu Nama Samvatsara Dhanur Rasi / Sagittarius Sign Free Telugu Rasi Phalalu
శ్రీ విశ్వావసు నామ సంవత్సరంలో ధనుర్ రాశి వారికి ఆదాయం- 05, వ్యయం - 05, రాజ పూజ్యం - 01, అవమానం - 05
పూర్వ పద్దతి లో ధనుర్ రాశి వారికి వచ్చిన శేష సంఖ్య "1". ఇది శ్రీ విశ్వావసు నామ సంవత్సరంలో ధనుర్ రాశి వారికి ఏర్పడబోతున్న ఆర్ధిక లాభములను సూచిస్తుంది.
ధనుర్ రాశి వారికి శ్రీ విశ్వావసు నామ సంవత్సరంలో అనగా 30 మార్చి 2025 నుండి 18 మార్చి 2026 వరకు ఉన్న తెలుగు కాల మాన సంవత్సరంలో గురు గ్రహం వలన సంవత్సరం అంతా ప్రతికూల ఫలితాలు ఎదురగును. 15 మే 2025 వరకు అకారణంగా తగాదాలు ఎదుర్కొంటారు. ఆర్ధికంగా ఇబ్బందులు పడవలసి వస్తుంది. తలపెట్టిన పనులు చివరి నిమిషంలో విఘ్నాలు ఎదుర్కొని నిలచిపోతాయి. 16 మే 2025 నుండి 19 అక్టోబర్ 2025 వరకు స్వల్పంగా ఆర్ధిక పరమైన విషయాల్లో కాలం యోగించును. అవివాహితులకు వివాహ ప్రయత్నాలు సఫలమగును. జీవిత భాగస్వామి శరీర బరువుకు సంబంధించిన ఆరోగ్య సమస్యలు ఎదుర్కొనవలసి రావచ్చు. 20 అక్టోబర్ 2025 నుండి 5 డిసెంబర్ 2025 వరకు గురు గ్రహం తీవ్ర ఆరోగ్య సమస్యలు కలుగచేయు సూచనలు అధికంగా ఉన్నవి. తలపెట్టిన ప్రతీ పని కష్టం మీద పూర్తి అవుతుంది. వ్యక్తిగత జాతకంలో గురువు నీచ స్థానంలో కలిగి ఉన్న వారు గురు గ్రహ శాంతి జరిపించుకోనుట మంచిది. 6 డిసెంబర్ 2025 నుండి 18 మార్చి 2026 వరకు కొంత అనుకూల ఫలితాలు పొందుతారు. మొత్తం మీద శ్రీ విశ్వావసు నామ సంవత్సరంలో ధనుర్రాశి వారికి గురు గ్రహం వలన శుభ ఫలితాలు ఏర్పడవు.
ధనుర్ రాశి వారికి శ్రీ విశ్వావసు నామ సంవత్సరంలో శని గ్రహం వలన సంవత్సరం అంతా అనుకూల ఫలితాలు ఎదురగును. ముఖ్యంగా మాత్రు వర్గీయుల వలన భూ లేదా ఆర్ధికంగా లాభపడతారు. ఆర్ధిక అవసరాలలో మీ సోదర సోదరి వర్గం వారి నుండి ఆశించిన సహాయ సహకారాలు పొందుతారు. ఆర్ధిక లక్ష్యాలను పూర్తి చేయడానికి శ్రమించవలసి వస్తుంది కాని లక్ష్యాలను పూర్తి చేస్తారు. ధనుర్రాశి వారికి శ్రీ విశ్వావసు నామ సంవత్సరంలో ఏలినాటి శని దశ లేదు.
ధనుర్ రాశి వారికి శ్రీ విశ్వావసు నామ సంవత్సరంలో రాహు గ్రహం వలన మిశ్రమ ఫలితాలు ఎదురగును. 18 మే 2025 వరకు రాహువు అనుకూల ఫలితాలు ప్రసాదించరు. ముఖ్యంగా సంతానం వలన అధిక ఒత్తిడి ని ఎదుర్కొనవలసి వస్తుంది. 19 మే 2025 నుండి ధైర్యవంతమైన నిర్ణయాలు తీసుకోవడం అలవాటు చేసుకుంటారు. అనారోగ్య సమస్యలు తగ్గుముఖం పడతాయి. కాలం కొంత ప్రశాంతంగా ఉంటుంది.
ధనుర్ రాశి వార్కి శ్రీ విశ్వావసు నామ సంవత్సరంలో కేతు గ్రహం వలన సంవత్సరం అంతా అనుకూల ఫలితాలు ఎదురగును. వ్యక్తిగత జాతకంలో కాల సర్ప దోషం కలిగిన వారు మినహా మిగిలిన వారు అందరు శ్రీ విశ్వావసు నామ సంవత్సరంలో కేతు గ్రహం వలన లాభపడతారు.
ఏప్రిల్ 2025 ధనుర్రాశి రాశిఫలాలు:
ఈ మాసంలో ధనాదాయం బాగుండును. వ్యాపారాలు ప్రోత్సాహకరంగా ముందుకు సాగును. నూతన వాహన సౌఖ్యం ఏర్పడును. సంతాన ప్రయత్నాలు ఈ మాసంలో విజయవంతం అగును. ఉద్యోగ జీవులకు సాధారణ ఫలితాలు. సమయానుకూలత చూసుకొని ఉన్నత అధికారులతో సంప్రదింపులు చేయవచ్చు. మిత్ర వర్గం సలహాల వలన మేలు జరుగుతుంది. శ్రమ తగ్గుతుంది. ఆర్ధిక వ్యయం అదుపులోకి తెచ్చుకొంటారు. 17, 18, 19, 20 తేదీలలో ఒక అశుభ వార్త వినడానికి సూచనలు కలవు. 23 వ తేదీ తదుపరి నూతన గృహ నిర్మాణ ప్రయత్నాలకు అనువైన కాలం. మహిళలకు ఆరోగ్యం సహకరిస్తుంది.
మే 2025 ధనుర్రాశి రాశిఫలాలు:
ఈ మాసంలో వ్యాపార విస్తరణ ప్రయత్నాలు , నూతన ఉద్యోగ జీవన ప్రయత్నాలు విజయవంతం అగును. గృహంలో హోమాది పూజా కార్యక్రమాలు నిర్వహించదేరు. కుటుంబానికి పూర్వ వైభవం తెస్తారు. కుటుంబానికి ధనధాన్య లాభాలు ఉన్నాయి. వ్యక్తిగత జాతకంలో శని గ్రహం బలంగా ఉన్నవారికి రాజకీయ రంగ ప్రవేశానికి ఈ మాసం అనువైన కాలం. అధికారుల ఒత్తిడి తగ్గును. 8 సంవత్సరాలలోపు వయస్సు ఉన్న చిన్న పిల్లలు ఒక ఆపద నుండి బయటపడతారు. శత్రుత్వాలు తొలగి కోర్టు వివాదాలు పరిష్కారం అవుతాయి. నిత్య జీవన విధానంలో ఆశించిన మార్పులు చేసుకోగలరు. నూతన ఆరోగ్య పద్దతులు అలవాటు చేసుకొంటారు. మొత్తం మీద ఈ మాసంలో ధనాదాయం ఆశించినంతగా ఉండును.
జూన్ 2025 ధనుర్రాశి రాశిఫలాలు:
ఈ మాసంలో కూడా అనుకూల ఫలితాలు కొనసాగును. బంధు వర్గం సహకారం వలన చక్కటి వివాహ సంబంధాలు లభించును. వ్యక్త్రిగత వైవాహిక జీవనంలో కూడా అపార్ధాలు తొలగును. సౌఖ్యం ఏర్పడును. విందు వినోదాలలో పాల్గొంటారు. విలువైన వస్తువులు లభిస్తాయి. నూతన ప్రణాళికలు సిద్ధం చేసుకొందురు. ఉద్యోగ జీవనంలో ఆశించిన మార్పులు పొందుతారు. నూతన కాంట్రాక్టులు , విదేశే జీవన అవకాశాలు లభిస్తాయి. నూతన పరిచయాలు నిరుత్సాహ పరుచును. సేవా రంగంలోని వారు లక్ష్యాలను చేరుకొందురు. మొహమాటం వలన నష్టపోదురు. ఈ మాసంలో ప్రయాణాలు కలసిరావు. అవాంతరాలను ఏర్పరచును.
జూలై 2025 ధనుర్రాశి రాశిఫలాలు:
ఈ మాసంలో ధనాదాయం కొంత తగ్గును. చేపట్టిన పనులు ప్రణాళికాబద్దంగా ముందుకు సాగక ఇబ్బందులను ఎదుర్కొనును. తోటి ఉద్యోగుల నుండి రావలసిన సహకారం సకాలంలో లభించదు. ఆశించిన గుర్తుంపు లభించదు. నూతన అవకాశములు చేజారిపోవును. ఆలోచనల్లో స్పష్టత లోపిస్తుంది. కుటుంబ పెద్దల ప్రవర్తన వలన సమస్యలు. అనుకోని కలహాలకు అవకాశముంటుంది. నూతన దంపతుల సంతాన ప్రయత్నాలలో ఓర్పు అవసరం. ఈ మాసంలో 2, 6, 7, 18, 25, 29, 30 తేదీలు అనుకూలమైనవి కావు. ఆర్ధికంగా వృధా ఖర్చులు ఏర్పడును.
ఆగష్టు 2025 ధనుర్రాశి రాశిఫలాలు:
ఈ మాసంలో ఉద్యోగ జీవనంలో ఇబ్బందులు తొలగును. లక్ష్యాలను సకాలంలో పూర్తీ చేయగలుగుతారు. మీ సామర్ధ్యం పై నమ్మకముంచండి. 8, 9, 10 మరియు 11 తేదీలలో నూతన అవకాశములు, అధికారుల ప్రోత్సాహం లభించును. నిరుద్యోగులకు ఉద్యోగ అవకాశములు లభించును. క్రమంగా అభివృద్ధి ఏర్పడుతుంది. వ్యాపార వ్యవహారాలు బాగుంటాయి. సినిమా రంగంలో పెట్టుబడులు పెట్టిన వారు బాగా లాభపడతారు. వృత్తి పరమైన వ్యాపారాలు కూడా బాగుంటాయి. మూలా నక్షత్ర జాతకులకు జూదం వలన పెద్దమొత్తంలో నష్టములు ఏర్పడును. కుటుంబ జీవనంలో ఆశించిన ఫలితాలు ఏర్పడును. సంతానానికి భవిష్యత్ నిధిని ఏర్పాటు చేయగలుగుతారు.
సెప్టెంబర్ 2025 ధనుర్రాశి రాశిఫలాలు:
ఈ మాసంలో వ్యక్తిగత జీవితంలో ఇతరుల ప్రమేయం వలన ఒక నష్టం ఏర్పడును. జీవిత భాగస్వామి ఫై అపోహలకు తావివ్వకండి. మాత్రు వర్గం వారికి కొద్దిపాటి అనారోగ్య సమస్య. వ్యాపార వ్యవహారాలు సామాన్యం. ధనార్జన ఆశించిన విధంగానే ఉండును. సంతానం యొక్క పురోగతి ఆనందాన్ని కలుగచేస్తుంది. ద్వితీయ తృతీయ వారాలాలో ఉద్యోగులకు చక్కటి ప్రోత్సాహం లభిస్తుంది. చిన్న అవకాశాలు కూడా భవిష్యత్లో మంచి చేస్తాయి. అవకాశములను వదులుకోకండి. అతి తెలివితేటలు ప్రదర్శించుట , తర్కంగా ఆలోచించుట మంచిది కాదు. చివరి వారంలో రాజకీయ రంగంలోని వారికి పదవీయోగం ఉన్నది. ప్రయత్నాలు చేయండి.
అక్టోబర్ 2025 ధనుర్రాశి రాశిఫలాలు:
ఈ మాసంలో నూతన ఆలోచనలు ఆచరణలోకి తీసుకురావడం వలన శుభ ఫలితాలు ఏర్పడును. శ్రమ అధికం అయినా పట్టుదలతో పని చేస్తారు. స్థాన చలన , ఉద్యోగ మార్పు ప్రయత్నాలు ఫలిస్తాయి. వైవాహిక జీవనంలో సమస్యలు తొలగుతాయి. జీవిత భాగస్వామితో సంతోష జీవనం. ధనాదాయం బాగుండును. జీవన మార్గంలో ఆశించిన మార్పులు ఏర్పడతాయి.
నవంబర్ 2025 ధనుర్రాశి రాశిఫలాలు:
ఈ మాసంలో ఆశించిన లక్ష్యాలను చేరుకోవడంలో స్వల్ప ఆటంకాలున్నాయి. ముఖ్యంగా స్త్రీలకు గౌరవ హాని సంఘటనలు కలవు. మాట విలువ తగ్గుతుంది. ఇతరులను విమర్శించుట వలన సమస్యలను కోరి తెచ్చుకుంటారు. మాటలయందు జాగ్రత్త అవసరం. వృత్తి వ్యాపారములు సామాన్యంగా కొనసాగును. ధనాదాయంలో నిలకడ లోపిస్తుంది. ఆర్ధిక విషయాలలో ప్రణాళిక అవసరం. కోర్టు లావాదేవిల వలన ధన వ్యయం అధికమగును. వివాహ ప్రయత్నాలు బెడిసికోట్టును. చివరి వారంలో ఒక ప్రమాదం లేదా పెద్ద నష్టం. నిదానంగా నిర్ణయాలు తీసుకొనవలసి వచ్చును.
డిసెంబర్ 2025 ధనుర్రాశి రాశిఫలాలు:
ఈ మాసంలో ధనాదాయం తగ్గును. ఆశించిన ధనం చేతికి వచ్చుట కష్టం. స్థిరాస్తి వ్యవహారాలు ఇబ్బందులు కలుగచేయును. పట్టుదలలు ఏర్పడును. ఉద్యోగ జీవనంలో జాగ్రత్తగా ఉండవలెను. నిరుద్యోగులకు నిరాశాపూరితమైన కాలం. ప్రారంభించిన పనులు ముందుకు సాగవు. మిత్ర బలం కూడా తగ్గుతుంది. సున్నితమైన విషయాలలో మానసిక ఆందోళన ఏర్పడుతుంది. ముఖ్యంగా స్వ ఆరోగ్య విషయంలో భయానికి లోనగు అవకాశం అధికం. ఈ మాసంలో 8, 12, 14, 21, 22 తేదీలు ఎదో ఒక అంశంలో నష్టాన్ని ఏర్పరచు సూచన.
జనవరి 2026 ధనుర్రాశి రాశిఫలాలు:
ఈ మాసంలో కూడా సమస్యలు కొనసాగును. ఆదాయం గత మాసం కన్నా కొంచం పెరుగును. ఆర్ధిక విషయాలలో సహాయం లభిస్తుంది. ప్రధమ వారంలో ఒక ముఖ్య వార్త వింటారు. గృహ మార్పిడి లేదా నిర్మాణ పనులలో మిక్కిలి అవాంతరాలు లేదా అతి వ్యయం. ఆందోళన పెరుగుతుంది. జీర్ణ సంబంధ సమస్యలు బాధించును. ఉద్యోగ కార్యములు పూర్తీ చేయుటకు శక్తికి మించి కష్టపడతారు. సోదర వర్గంతో మాట పట్టింపు విడిచిపెట్టుట మంచిది. నూతన వ్యాపార వ్యవహారాలు ఇబ్బందులు ఎదుర్కొనును. ప్రత్యర్ధుల నుండి వ్యతిరేకత అధికం అవుతుంది. వ్యాపార పరంగా నష్టములు పొందు సూచనలు అధికం.
ఫెబ్రవరి 2026 ధనుర్రాశి రాశిఫలాలు:
ఈ మాసంలో విరివిగా ప్రయాణాలు ఏర్పడును. ప్రయత్నపుర్వక కార్య లాభాలు ఏర్పడును. గాడి తప్పిన ఆర్ధిక విషయాలు క్రమంగా దారిలోకి వస్తాయి. ఉద్యోగ వ్యాపార వ్యవహారాలలో ప్రోత్సాహక కాలం ప్రారంభం అవుతుంది. ఈ మాసంలో వివాహ ప్రయత్నాలు చేయవచ్చు. ఇబ్బందుల నుండి బయటపడతారు. శత్రు విజయం ఏర్పడుతుంది. గృహంలో శుభ పరిణామాలు ఉన్నాయి. గొప్ప స్థాయి వ్యక్తుల ద్వారా లాభపడతారు. మాసాంతంలో సంతానం పట్ల శ్రద్ధ వహించాలి. ఈ మాసంలో 4, 5, 6 తేదీలు నూతన ప్రయత్నాలు చేయుటకు అనుకూలమైనవి.
మార్చ్ 2026 ధనుర్రాశి రాశిఫలాలు:
ఈ మాసంలో మిశ్రమ ఫలితాలు ఎదురగును. ధనాదాయం పర్వాలేదు. భాగస్వామ్య వ్యాపారములలో పెట్టుబడులు పెట్టిన వారికి నష్టములు ప్రాప్తించును. ద్వితియ వారంలో కుటుంబ సభ్యులకు సంబంధించిన ఒక అశుభ వార్త. గృహ వాతావరణం అశాంతిని కలిగి ఉండును. మాస మధ్యంలో ఖర్చులు అధికంగా ఉండును. పుబ్బా నక్షత్ర జాతకులకు వివాహ సంతాన విషయాలలో వ్యతిరేక ఫలితాలు. చివరి వారంలో దైవదర్శన భాగ్యం, ఒంటరగా ప్రయాణం చేయాలనే కోరిక నెరవేరును. విద్యార్దులు శ్రమించవలెను. ఈ నెలలో 2,6,7,15,29 తేదీలు మంచివి కావు.
We can provide your complete horoscope as a manually written "Horoscope Prediction Book". It's not a computerized print out. It will be prepared & written manually by sri Sidhanthi garu. Contact us to get your personalised jataka reports, palmistry reports, vastu reports, match compatibility reports, new borns reports, subha muhurtams etc. We also suggest & perform astrological remedies for your problems caused by various jataka doshams. Click Here to contact oursubhakaryam.com for your all astrological needs and suggestions.